胃病

報導話胃病同抑鬱病或者情緒病好有關係，究竟係有胃病先定係有情緒問題先，定係環環緊扣，兩樣都可以係各自嘅因果關係呢？

胃病包括胃痛、胃脹、消化不良、胃酸倒流，呢啲症狀我全部都有，仲已經持續咗幾年，一痛就痛幾個月，睇極醫生都唔好，惟有睇中醫。中醫又講到我就快死咁，佢話我血壓再低一啲就要入廠，但西醫嘅角度又話我唔係唔正常嘅低。總之一句講到尾，我身體差到極。

我知我胃病嘅原因係我太大壓力，太緊張，但考晒試之後仲胃痛，就知道係因為情緒問題，宜家日日都覺得唔開心，提唔起勁，個腦好似塞咗咁，我真係驚會變成真正嘅抑鬱，唔係講笑，真係驚架...

希望快啲到八月，因為我真係想散散心。