今日係告別寧靜的"大"日子。幸好尋晚並不枉過！
自己一個人住咗接近兩個月，終於要再次聚守一堂。我向來都知道自己鐘意"獨家村"，自己做自己嘢，最怕teamwork，所以做律師幾啱我，自己寫自己嘅advice同見解，然後俾partner approve就得。今日不再獨自過夜晚反而唔習慣，再次聽到媽媽嘅嘮叨，老豆嘅咳聲，原來我怕嘈嘅指數係咁高，可以令到我咁忟憎，唉...仲報咗四科conversion exams添，雖然考四科係一個great challenge，但係點樣可以再喺嘈吵嘅環境專心温書先係我最大嘅challenge。
